බෞද්ධ ඉතිහාසයේ සඳහන් වන අන්දමට, විහාර මහා දේවිය ගොඩබට
ස්ථානය සේ සලකන, නැගෙනහිර පළාතේ, පොතුවිල් හි මුහුද ආසන්නයේ පිහිටා ඇති
ඓතිහාසික මුහුදු මහා විහාරය, පුරාවිද්යාත්මක නටබුන් වලින් ගහන බොදු
පින්බිමකි. වැල්ලෙන් යටවී ඇති භූමියෙන්ද වරින් වර පුරාවස්තු මතුවන මෙම
ස්ථානය නිසි පරිදි කැණීම් සිදුකර නොමැති නමුත්, දැනට පවතින පුරාවිද්යාත්මක
නෂ්ඨාවශේෂ වලින් මෙහි ඉතිහාසය ක්රි.පූ. 2වැනි සියවස දක්වා දිවයන බව
පුරාවිදුදරයන්ගේ මතයයි. 1951 වසරේ ජනවාරි 26දා ගැසට් පත්රයෙන් මෙම ස්ථානය
පුරාවිද්යා රක්ෂිත භූමියක් වශයෙන් ප්රකාශයට පත්කර තිබිණි. අක්කර 72ක්,
රූඩ් 3ක් හා පර්චර්ස් 13ක් එදා මේ රක්ෂිතයට අයත් විය.
